Den Gaang te a war gywt med Lavs

---

Af Jeppe Aakjær (1899)
Oprindelsesland: Danmark
Tilgængelige tekster af samme forfatter her


Den Gaang te a war gywt med Lavs
da strented a med Gled mi Klaws,
mi Daa gik hen med Gammen.

For bejer Mand war ett end Lavs
de skjønnest Ting a fæk tegavs,
og aalti holdt vi sammen.

Men sin saa bløw a gywt med Klavs
mi Trow a føst haaj gin te Lavs
og no no ga - a hamen!

Men der fæk a sgi hwedt mi Saws!
den Klavs det er det bare Snavs,
hwor aalt gaar ud paa Drammen.

Og mæler a en Muk mod Klavs
saa brøler han: "Herut, haraus!"
saa rød som Kok i Kammen.

Og blywr æ Gywr ett saat o Klavs
saa skir æ sajtens jetiddavs,
a drowner mæ i Dammen.